Ei natt forsvinn ein pappa ut i mørkeret, ned i djupet og blir borte. Tilbake sit ein forvirra gut med mange tankar. Var det hans feil? Har pappa blitt slukt av ein kjempeblekksprut? Eller tenk om han framleis finst der nede ein stad, og vi kan fiske han opp med Troika på kroken? 

4000 meters djup er ei reise inn i tankane og ned til havdjupet, til gløymde minne og skapningar i mørkeret. Det er ei historie om sakn, late dagar i syden, gullfiskar som har blitt skylt ned i do og om å kunne vere glad sjølv om noko er vanskeleg.

Hausten 2026 flytta Feil Teater inn på Det Norske Teatret, og i løpet av eit år skal dei sette i scene heile fire framsyningar for det yngre publikumet.