Og kanskje viktigast av alt: Vi garanterer at premieren kjem til å gå heilt etter planen, og at ingenting dumt kjem til å skje.

I Den perfekte premieren (og det som vart litt dumt) inviterer vi til ei interaktiv vandreframsyning rundt om på heile teaterhuset. Bakteppet er ein sensasjonell verdspremiere som tek ei uventa vending. Publikum må bli med inn bak kulissane for å løyse eit spennande mysterium.

I rom ein vanlegvis ikkje får sjå – bak scenen, i verkstader og rekvisittlager – får publikum eit unikt innblikk i maskineriet bak eit av Noregs største teater.