EIN GRØSSAR FOR BARN
Samproduksjon med Det Norske Teatret
Premiere 24. september på Scene 3 på Det Norske Teatret
Alt i denne historia er funne på.
Likevel er alt saman sant.
Kvart
einaste
ord.
Den unge studenten Victor Frankenstein har stengt seg inne i slottet sitt, og her arbeider han med å få til det umoglege: Å skape liv i ein død kropp. Når han endeleg lykkast i å vekke skapningen til live, er den alt anna enn han hadde drøymt om. Victor kastar skapningen på dør, og dette set i gang ei rekke grufulle hendingar. Og når grufulle ting skjer, har ein berre to moglegheiter: Ein kan stenge seg inne, eller ein kan be om hjelp. Men kven vil vel hjelpe eit monster?
Frankenstein er ein grøssar for modige barn og skvetne vaksne, i ein nyskriven versjon basert på romanklassikaren av Mary Shelley som har gitt lesarar frysingar i over 200 år. Rotne hjernar, dødsdømde kjeltringar og grotesk vitskap blir sydd saman til ei historie om kva som gjer ein skapning til eit monster, og om å vilje bli frykta når ein ikkje kan bli elska.
Men hei: Om du blir redd, er det lov å gripe tak i armen ved sida av deg. Berre pass på at han heng skikkeleg fast i kroppen han høyrer til, så du ikkje endar med ein laus arm i fanget…
Premiere: 24. september 2026
Varigheit: Ikkje avklart enno
Passar for: Barn frå 10 år
SKODESPELARAR
Amanda Hedvig Strand, Amalie Ibsen Jensen, Sebastian Skytterud Myers, Johan Hveem Maurud, Ingrid Jørgensen Dragland, Kyrre Hellum og Jenny Mueni Ndunda
BASERT PÅ ROMANEN TIL
Mary Shelley
MANUS
Lars Halvor Andreassen
REGISSØR
Vilde Johannessen
SCENOGRAF OG KOSTYMEDESIGNAR
Amanda Hedvig Strand
LYSDESIGNAR/VIDEO
Thomas Gallagher
DRAMATURG
Anders Hasmo
Brenner du inne med et spørsmål om denne forestillingen? Smell av gårde en mail til produksjon@feilteater.com